Deep Regeneration LIVE!

Für einmal in Schweizerdeutsch. Und in Kleinbuchstaben, so wie ich das seit Jahrzehnten – ich glaub, schon, als ich noch Lehrer war – im privaten Bereich praktiziere.

s isch verruckt, wänn ich ab mache. meischtens, chum isch de gränzatem erreicht, fanget sich die teil, wo grad intensiv in regenerationsarbet sind, wie verruckt a bewege: zur zit beidi füess, s becki, d schultere, bagge und chinni.
defür tüend d schultere mittlerwile praktisch nüme weh; die rächti so guet wie gar nüme, die linggi nur no echli. und die akute schmerze im berich vom rächte grosse zeche, wo mich ide letschte mönet krass boim laufe behinderet hät  – was hän ich mine füess ales atue?! –, hät sehr überraschend und plötzlich nach links gwächslet. det aber weniger starch. no!
s becki gaht au immer sälbverständlicher nach hindere. wie grad jetz im gd.
luschtig: immer no – sit mehrere jahr! – löst s bewussti loslah vode schultere refläxartig en tüfe schnuf (primäratem) us. ich bin jedes mal überrascht. ja, d schultere sind immer no i die tüf regeneration integriert. guet so!

und s isch no lang nöd usgstande … das merki a bestimmte verhaltensmuschter, wo sich zäch hebet – allne vorah s mich blitzschnäll us de schwächi use apasse ???
immerhin merkis efeng meischtens und cha schmunzle dezue.